AMO GROUP SmartAg Oasis təşəbbüsü ilə gələcəyin innovasiyalarına bir addım daha atdı

AMO GROUP olaraq, Azərbaycanın STEAM (elm, texnologiya, mühəndislik, incəsənət və riyaziyyat) sahəsində inkişafını dəstəkləyən SmartAg Oasis təşəbbüsünün iştirakçılarını bağlarımızda qəbul etməkdən böyük məmnunluq duyduq. Bu əməkdaşlıq, aqrar texnologiyalar və davamlı kənd təsərrüfatı sahəsində təcrübə mübadiləsini gücləndirmək və gələcək innovasiyalar üçün möhkəm zəmin yaratmaq baxımından xüsusi əhəmiyyət kəsb edir.

Gənc və yaradıcı iştirakçılarla görüşdə, kənd təsərrüfatında tətbiq olunan müasir texnologiyalar, davamlı istehsal prinsipləri və aqro-mühəndislik təcrübəmiz bölüşüldü. Görüş həm də STEAM liderləri ilə ünsiyyət qurmaq və yeni ideyalarla tanış olmaq üçün dəyərli platformaya çevrildi.

Bu ziyarət yalnız maarifləndirici deyil, həm də gələcək nəsillərin innovativ düşüncə tərzini inkişaf etdirməkdə mühüm rol oynayacaq motivasiyaedici bir təcrübə oldu. Biz inanırıq ki, belə təşəbbüslər Azərbaycan gənclərinin texnoloji bilik və bacarıqlarını gücləndirəcək, ölkənin kənd təsərrüfatı sektorunda dayanıqlı inkişafı sürətləndirəcək.

AMO GROUP adından SmartAg Oasis komandasına səmimi təşəkkürümüzü bildirir və bu əməkdaşlığın daha genişmiqyaslı layihələrə yol açacağına ümid edirik.
Gələcəyin aqrar innovasiyalarına birlikdə imza ataq!